Ghar ki bunyad daalne mai koi taweez rakhna kaisa hai

Ghar ki bunyad daalne mai koi taweez rakhna kaisa hai

جواب #119

بسم الله الرحمن الرحيم

کس چیز کا تعویذ اور کس مقصد اور کس نیت سے رکھناہے ?

طلاق ثلاثہ کے بعد واپس اسی عورت کو نکاح میں لانے کے لئے جو حلالہ کی صورت ہے

"السلام علیکم.... جناب مفتی صاحب طلاق ثلاثہ کے بعد واپس اسی عورت کو نکاح میں لانے کے لئے جو حلالہ کی صورت ہے اسمیں عام طور پر جس مرد سے حلالہ کے لیے نکاح کرایا جاتا ہے اسسے صراحتاً کہدیا جاتا ہے کہ کچھ وقفہ علحدگی کے بعد پھر طلاق دیدینا یعنی کہ ہم آپسے وقتی نکاح کر رہے ہے تو کیا یہ صورت صحیح ہے برائے مہربانی مدلل جواب دیکر شکریہ کا موقع دے... فقط والسلام بندئے گنہگار محمد مجاھد مولیپوری 
"

جواب #118

بسم الله الرحمن الرحيم

پہلے سے شرط کرنا اور اسکو کہدینا کہ تھوڑے وقت کے لئے نکاح کرنا ہے یہ جائز نہیں ،موجب لعنت ہے،
البتہ کچھ کہے نہیں اور سامنے والا ازخود اسکی رعایت میں طلاق دیدے تو اسکے لئے موجب اجر ہوگا

والله سبحانہ اعلم

500 aur 1000 ki note ki pabandi hone par Apni zakat advance

"Agar koi shaks aise halat me Matlab 500 aur 1000 ki note ki pabandi hone par
Apni zakat advance me nikale to jaiz he"

جواب #117

بسم الله الرحمن الرحيم

Nikal sakta he...

Lekin ab chuke ye raddi ho chuke hen 
Is liye mustahiq us note se jitne rupye hasil.kare.utni hi zakat ada samjhi jayegi..
Ek fatwa niche mulahaza ho,
⭕AAJ KA SAWAL NO .851⭕

500, 1000 ki note ki samaniyat, paisa hona khatm ho gaya to us ko zakat me de sakte hai ?
us se zakat adaa hogi?

🔵Jawab🔵

Samaniyat khatam hone ke baad is ki haisiyat ek waseeqah ki maan li jayegi,  
Agar zakat lene wala us ko tabdeel karane par qadir hai to jitne rupiye ki us se maliyat hasil karta hai utne rupiye ki zakat ada hui samjhi jayegi.

Maslan us ko zakat ke 1000 ruiye diye us ne us hazar rupye ko 700 rs. ke aewaz me bech diye to sirf 700 rs. ki zakat ada hogi, baqi 300 ki ada nahi hogi.

khulasa ye hai ke purani badi notes se jitne rupiye ka saman ya naya rupiya ya us ka chhuta hasil karega utne hi rupiye zakat ada hogi.

غیرمقلدوں میں اختلاف ہے ?

غیرمقلدوں میں اختلاف ہے ?

جواب #116

بسم الله الرحمن الرحيم

جی ان میں بہت سے فرقے اور جماعتیں ہیں ،

Shahbanu case ke bare me batayye kch

Shahbanu case ke bare me batayye kch

جواب #115

بسم الله الرحمن الرحيم

Ye koi sharee masala nahi...

Aaj naye zamane me ladki ladka dosti Kar skte hai ya nhi...

"Aaj naye zamane me ladki ladka dosti Kar skte hai ya nhi...
Agar Nhi, To hawaale ke Saath bataaye....
Aur Kyu nhi Kar sktey wajah bhi bataye
Aur uska gunah aur azaab bataaye
Jazakallahu khair"

جواب #114

بسم الله الرحمن الرحيم

Zamana badalta he,shariyat ke hukm nahi badalte..
Jo hukm namaz ka 1000 saal pehle tha aaj bhi wahi he..

Parayi awrat se talluq.karna dosti karna haraam he...
Ye kisi zamane me halal.nahi ho sakta.

Hadis me he..
Shahwat se dekhne wale per our jis ko dekha jaye un dono per allah ki lanat he..

Andaza lagaye 
Sirf galat nazar per ye waeed he,
Baat chit,talluq,wagera to bahot door he...

1 کروڑ روپے ھے تو وہ اسے پرسینٹ کے حساب سے بدل سکتا ہے

حا لات حا ضرہ میں مثال كے طور پر کسی کے پاس 1 کروڑ روپے ھے تو وہ اسے پرسینٹ کے حساب سے بدل سکتا ہے اگر ایسا نہیں کرے گا تو مال ضائع ہو جائے گا تو کیا اپنے مال کو بچانے کی کوئی صورت ھے برائے مہربانی جلد جواب مطلوب ہے

جواب #113

بسم الله الرحمن الرحيم

ابھی حالیہ مفتی ابراہیم دیسائ صاحب کا فتویٰ آیا ہے جس پر حضرت مفتی احمد خانپوری صاحب کی تصدیق بھی ہے ،
اس کے اعتبار سے گنجائش ہے
والله سبحانہ اعلم

Agar sohar ko di hui talaq ke bare me Shaq he

Kiya farmate he muftiyane Kiram is masle me .k Agar sohar ko di hui talaq ke bare me Shaq he ke kiya kaha hoga aaya talaq de di thi ya talaq ki dhamki di thi ya adad yaad nahi he to us talaq ka kiya hukam hoga ab us baat me miya biwi ke alawah koi gavah nahi he to aaya kiya  talaq hogi or hogi to kitni hogi ?

جواب #112

بسم الله الرحمن الرحيم

اعتبر اليقين وألغى الشك ثم شك الزوج لا يخلو: إما أن وقع في أصل التطليق أطلقها أم لا؟ وإما أن وقع في عدد الطلاق وقدره؛ أنه طلقها واحدة أو اثنتين أو ثلاثا، أو صفة الطلاق أنه طلقها رجعية أو بائنة فإن وقع في أصل الطلاق لا يحكم بوقوعه لما قلنا، وإن وقع في القدر يحكم بالأقل؛ لأنه متيقن به وفي الزيادة شك، وإن وقع في وصفه يحكم بالرجعية؛ لأنها أضعف الطلاقين فكانت متيقنا بها.
بدائع الصنائع ۔
Malum huwa shak se talaq nahi hogi,
Lekin achi tarah yaad kare ke di thi ya nahi,
Di thi to kitni di thi..
Yaqeen hojaye ke dee thi to talaq waqe hojayegi...

طور پر تین یا چار رکعت والی نماز

مثال كے طور پر تین یا چار رکعت والی نماز تھی امام صاحب قعدة أولى میں بیٹھے اور کھڑا ہو نا بھول گئے یہاں تک کہ سلام پھیرنے کے لیے السلام کھدیا پھر کسی نے لقمہ دیا اور امام صاحب کھڑے ہو گئے تو اب نماز کے صحیح ہونے کے لیے صرف سجدہ سھو کافی ہے یا اژ سر نو نماز لوٹا نی جاوید مدلل جواب مر حمت فر ما ے

جواب #111

بسم الله الرحمن الرحيم

جی سجدہ سہو کافی ہے نماز ہوجائیگی 
والله سبحانہ اعلم

ایک ہی رکعت میں تین سجدے

نماز کا مسئلہ   ایک ہی رکعت میں تین سجدے بھول سے ہوگئے  تو اخیر میں سجدئے سہو کرلیا  تو کیا نماز ہوجائیگی

جواب #110

بسم الله الرحمن الرحيم

جی سجدہ سہو سے نماز ہوجائیگی ،
ویجب سجدتان۔۔ بتقدیم او تاخیر او زیادۃ۔۔۔
مراقی الفلاح 
والله سبحانہ اعلم

تہجد کے فوائد بتائیں

تہجد کے فوائد بتائیں

جواب #109

بسم الله الرحمن الرحيم

حدیث میں آتا ہے،

- عليكم بقيامِ الليلِ، فإنه دَأْبُ الصالحين قبلَكم، وإن قيامَ الليلِ قُرْبَةٌ إلى اللهِ، ومَنْهاةٌ عن الإثمِ، وتكفيرٌ للسيئاتِ، ومَطْرَدَةٌ للداءِ عن الجسدِ
الراوي: بلال بن رباح المحدث: الترمذي - المصدر: سنن الترمذي - الصفحة أو الرقم: 3549
خلاصة حكم المحدث: غريب [فيه] محمد القرشي قال البخاري ترك حديثه

تم تہجد کو لازم پکڑو کہ یہ تم سے پہلے نیک لوگوں کا طریقہ رہاہے اور بیشک تہجد پڑھنا اللہ سے قرب کا ذریعہ ہے ،گناہوں سے روکنے والا ہے،سیئات کو ختم کرنے والاہے اور جسم سے بیماری کو دور کرنے والا ہے 
ترمذی

"या लतिफन बी खलकिही, या अलिमन बी खलकिही, या खबीरन बी खलकिही,

"या लतिफन बी खलकिही,
या अलिमन बी खलकिही,
या खबीरन बी खलकिही,
उल्तुफ बिही
या लतीफु,
या अलिमु, 
या खबीर, 
इस दुआ को इत्ना फेलाए के सारी
उम्मत की परेशानिया दूर हो.
ये बहुत किमती दुआ है.
सबको बताओ, सिर्फ अपने पास मत रखना, 
हम को १.५ लाख अदद् पुरी करनी हे. आगे भेजो.
اس میسج کی کیا حقیقت ہے؟
کیا یہ دعا کسی حدیث سے یا اولیااللہ سے منقول ہے؟
اور اگر ہے تو اس کا اردو ترجمہ کیا ہےـ"

جواب #108

بسم الله الرحمن الرحيم

اس میں الطف بہ لکھاہے یہ صحیح نہیں ،
الطف بی ہے 


جی بزرگوں سے منقول ہے،
حضرت شیخ رح نے فضائل میں لکھی ہے،
ترجمہ ،
اے اپنے مخلوق پر لطف کرنے والے 
اے اپنی مخلوق کو جاننے والے 
اے اپنی مخلوق کے حالات سے باخبر !

مجھ ہر لطف فرما اے لطف کرنے والے،جاننے والے،خبر رکھنے والے،

۔۔۔۔۔
اسکے بعد عدد پوری کرنے اور بھیجنے والی بات غلط ہے
والله سبحانہ اعلم

Agar kisi ko bimaari hai gas ki

Agar kisi ko bimaari hai gas ki or uski wajah se)(ہوَا) kharij ho rahi hai to wo ek vuzu se alag alag ibaadat kar sakti hai jaise quran or namaz

جواب #107

بسم الله الرحمن الرحيم

Wuzu ke baad jab tak hawa na nikle tab tak sab ibadat karsakti he..
Hawa nikalne ke baad namaz bahi padh sakti,Qur'an nahi chhu sakti..


Albatta agar sharee mazur he ke gas ki itni taklif he ke ek namaz ke waqt me wuzu karke farz namaz na padh wake to wo mazur he,
Aese mazur ka wuzu waqt je andar andar us usr se nahi tutega....
Wallahu subhanahu aalam

Ek shakhs kahta h imam ki taqleed gumarahi h?

Ek shakhs kahta h imam ki taqleed gumarahi h?

جواب #106

بسم الله الرحمن الرحيم

Ye aadmi haqiqat se nawaqif he..
Sahih baat na jaanne ki wajah se aesa keh raha he..

Haqiqat ye he ke taqlid ke bager chara hi nahi he...
Ab misal ke tour per quran ya hadis ki koi baat he aap us ko kese samjhenge ????
Laziman is ke liye aap ko tafseer ya hadis ki tashrih dekhni hogi to is me to aap ne taqleed karlee...
Is ke alawa samajhne ka dusra kya raasta he ???

Yahi haqiqat he taqleed ki 
Ke Qur'an hadees ko imam ke samjhane ke mutabiq samajhna ...
Ummid he haqiqat samajh me aayi hogi.
Agar na aaye to urdu me ye kitab padhlen....
*taqleed ki sharee haysiyat*
Wallahu subhanahu aalam

موبائل میں یاد گار کے طور پر فوٹو نکال سکتے ہیں کیا؟

موبائل میں یاد گار کے طور پر فوٹو نکال سکتے ہیں کیا؟

جواب #105

بسم الله الرحمن الرحيم

یاد گار کے لیے موبائل وغیرہ سے تصویر کھینچنا حرام ہے۔



*ان اشد الناس عذابا یوم القیامۃ المصورون*



فقط واللہ تعالی اعلم

میرا سوال یہ ہیکہ میرے پاس ایک لاکھ روپے کے چلّر ہیں

میرا سوال یہ ہیکہ میرے پاس ایک لاکھ روپے کے چلّر ہیں زمانہ حال کے حساب سے ہمارے یہاں ایک لاکھ کے ایک لاکھ تیس ہزار مل رہے ہیں کیا یہ اوپر کا تیس ہزار روپیے لینا جائز ہے؟

جواب #104

بسم الله الرحمن الرحيم

تیس ہزار زائد لینا صریح سود میں داخل جوکہ حرام ہے۔

Agar koi 3 shaksh baithe hai aur do log gheebat

Agar koi 3 shaksh baithe hai aur do log gheebat karna shuru kar dete hai,teesra usme bilkul shareek nahi, usse vo do baat nahi kar rahe lekin uske kaan tak awaaz pohonch rahi hai jo usko nahi pasand.. kabhi to vo teesra shaksh uth kar chala jaata hai lekin kabhi koi masliyat ki wajah se vo vahaan se uth kar nahi jaa sakta to kya fir bhi vo teesre ko gheebat ka gunaah hoga... mujhe sabse zyaada khatra iss gunah se hai,ek din aisa nahi jaata ke kaan par gheebat ke aawaaz naa padte ho lekin sabse rishta bhi nahi tod sakte aur roz kitna bhaag bhaag kar sabse bhaag sakte hai aur kitna tok sakte hai aur kitna samjha sakte hai.. rehbari farmaye..Allah aapko khub jazaye khair ata farmaye

جواب #103

بسم الله الرحمن الرحيم

Shariyat ka har amal aasan he... 
Us per amal kuch mushkil nahi,
Jab bhi geebat kaan me pade to khud chala jaye ya us ko rok de
Ye dono na karsake to itna to har koi kar sakta he ke topic badal de..
Is me koi pareshani nahi hogi..

Wallahu subhanahu aalam

ایک آدمی نے بیوی سے ایسا کھا

ایک آدمی نے بیوی سے ایسا کھا ھو کے تو اگر فلاں خاندان کے کسی بھی آدمی سے اگر بات کریگی تو طلاق ھو جائیگی اب اگر اس نے بات نھیی کی بعد مے شوھہر نے اس بات سے رجوع کر لیا کے اب ھو جائے بات تو کچھ نھی تو اگر بیوی بات کرے تو کیا طلاق ہوگی. ؟

جواب #102

بسم الله الرحمن الرحيم

ایک مرتبہ اس طرح کہدینے سے اب وہ بات ختم نہیں ہوسکتی 
شوہر ختم نہیں کرسکتاہے ،
جب بھی بات کرےگی تو ایک طلاق رجعی پڑ جائیگی جبکہ یہی لفظ کہا ہو

فتاوی محمودیہ

والله سبحانہ اعلم

Gas ka Cylinder black me bech skte kya ??

Gas ka Cylinder black me bech skte kya ??

جواب #101

بسم الله الرحمن الرحيم

Kharidne ke baad bechna jaaiz he..
Lekin chunke qanun se mana he is liye nahi bechna chahiye....
Wallahu subhanahu aalam 
(Almasailul muhimma)

Health Problem ki wajhese paani Me haath dalte hi prblm hori

"Health Problem ki wajhese paani Me haath dalte hi prblm hori
To hum ye jaanna chahte hey k in sardiyo Me health issue k chalte bina wazu k namaZ ada karsakte hey taimoom karke?"

جواب #100

بسم الله الرحمن الرحيم

اصل دوقعدہ کی دلیل چاہئے

"اصل دوقعدہ کی دلیل چاہئے
سعودی میں کہتے ہیں کہ ظہر میں چارسنت موکدہ میں دورکعت کے بعد قعدہ نہیں ہے 
بلکہ صرف قعدہ اخیر ہے 
یہ دورکعت کے بعد جو قعدہ ہے اسکی دلیل مطلوب ہے 
جزاکم اللہ خیرا "

جواب #99

بسم الله الرحمن الرحيم

fiqah ki ahmiyet

fiqah ki ahmiyet

جواب #98

بسم الله الرحمن الرحيم

علوم اسلامیہ میں فقہ کی اہمیت

اور کتاب وسنت سے اس کا ربط





حرف ِ آغاز

”فقہ“ اسلامی تعلیمات کا نچوڑ ہے، وہ قرآن کریم کا خلاصہ اور سنت رسول ( صلی اللہ علیہ وسلم) کی روح ہے، شریعت کے عمومی مزاج ومذاق کا ترجمان ہے اور اسلامی زندگی کے لیے چراغ راہ بھی، اس لیے علوم اسلامیہ میں اس کی جو اہمیت وضرورت ہے وہ آفتاب نیم روز کی طرح روشن ہے اور یہی نہیں کہ اس کی ضرورت صرف اور صرف ماضی ہی سے وابستہ تھی؛ بلکہ آج بھی اور آئندہ بھی اس کی ضرورت و اہمیت ماضی ہی کی طرح محسوس کی جاتی رہے گی اور مجتہدین کرام قرآن و حدیث میں غوطہ زنی کرکے فقہی اصول کے ذریعے امت کے پیش آمدہ مسائل حل کرتے رہیں گے۔

ذیل میں اسی پر روشنی ڈالی جائے گی اوراس پہلو کو بھی اجاگر کیا جائے گا کہ علوم اسلامیہ میں ”فقہ“ ہی ایسافن ہے جس کے اندر ایسی عالمگیریت وہمہ جہتی پائی جاتی ہے کہ ہرہر مسلمان کی زندگی بلکہ اس کی زندگی کا ایک ایک لمحہ اس سے پوری طرح مربوط ہے، اور اس کے بغیر انسانی زندگی ادھوری ونامکمل سمجھی جائے گی، رہ گئے وہ کورچشم جو اپنی مینڈکی فطرت کی بنا پر سرے سے فقہ کے منکر ہیں اور اسے کتاب وسنت سے علیحدہ شئی گمان کرتے ہیں تو اس سلسلے میں اتنا کافی ہے کہ چاند پر دھول ڈالنے والے کا چہرہ تو گرد آلود ہوسکتا ہے؛ لیکن قمر کی چمک دمک میں کوئی کمی نہیں آسکتی۔

غرض یہ کہ ”فقہ“ قرآن وحدیث سے تیار شدہ وہ گاڑی ہے جس کے ذریعے حیاتِ انسانی مکمل زاد راہ کے ساتھ اپنی منزل مقصود (آخرت) تک بآسانی پہنچ سکتی ہے۔

فقہ کس کا نام ہے

لغت میں لفظ فقہ کو کسی چیز کے جاننے اور سمجھنے کے معنی میں استعمال کیاجاتا تھا، بعد میں اس کا استعمال خاص علم دین کے فہم میں ہونے لگا(۱) قرآن پاک میں یہی مراد ہے(۲) اور حدیث میں بھی یہی معنی: من یرد اللّٰہ بہ خیرا یفقہ فی الدین(۳)۔ عہد صحابہ و تابعین میں فقہ کا لفظ ہر قسم کے دینی احکام کے فہم پر بولا جاتا تھا جس میں ایمان و عقائد، عبادات واخلاق، معاملات اور حدود و فرائض سب شامل تھے، یہی وجہ ہے کہ امام ابوحنیفہ سے منقول فقہ کی تعریف ان الفقہ ہو معرفة النفس مالہا وماعلیہا: ”جس سے انسان اپنے نفع و نقصان اور حقوق و فرائض کو جان لے وہ فقہ ہے“(۴) اپنے اندر مذکورہ تمام چیزوں کو سموئے ہوئے ہے، مگر بعد میں جب علیحدہ طور پر ہر فن کی تدوین وتقسیم ہوئی تو ”فقہ“ عبادات و معاملات اور معاشرت کے ظاہری احکام کے لیے خاص ہوگیا، چنانچہ فقہ کی تعریف علامہ ابن خلدون کے الفاظ میں اس طرح ہے کہ ”افعال مکلفین کی بابت اس حیثیت سے احکامِ الٰہی کے جاننے کا نام ہے کہ وہ واجب ہیں یا محظور (ممنوع وحرام)، مستحب اور مباح ہیں یا مکروہ“(۵) اس کی مزید وضاحت اس طرح بھی ہوتی ہے کہ ”فقہ ملکہٴ استنباط اور دینی بصیرت کا نام ہے جس کے ذریعے احکامِ شریعت، اسرار معرفت اور مسائل حکمت سے واقفیت ہوتی ہے نیز نئے فروعی مسائل کے استنباط اور ان کی باریکیوں کا علم ہوتا ہے“(۶)

فقہ کی بنیاد قرآن و حدیث ہی ہیں نہ کہ محض عقل و قیاس چنانچہ علامہ مناظر احسن گیلانی فرماتے ہیں کہ: ”فقہ کے یہ معنی نہیں کہ شریعت میں اپنی طرف سے کسی چیز کا اضافہ عقل کرتی ہے؛ بلکہ وہی بات یعنی نتائج و احکام کا جو روغن وحی و نبوت کے ان معلومات میں چھپا ہوا تھا، عقل کی مشین ان ہی کو اپنی طاقت کی حد تک ان سے نچوڑنے کی کوشش کرتی ہے اسی کوشش کا نام اجتہاد ہے“(۷)

فقہ کا اصل سرچشمہ

یہ بات تو پوری طرح واضح ہے کہ احکام شرعیہ کے استنباط کا اصل منبع کتاب اللہ رہا، اس کے بعد سنت رسول اللہ ( صلی اللہ علیہ وسلم) پھر قیاس و اجماع، جس کی حقیقی تصویر اس واقعہ میں دیکھی جاسکتی ہے جب کہ حضرت معاذ بن جبل کو یمن کا قاضی بناکر رخصت کرتے وقت رسول الثقلین ( صلی اللہ علیہ وسلم) نے ارشاد فرمایا تھا کہ: کوئی مسئلہ درپیش ہوتو اپنے فیصلہ کی بنیاد کس کو قرار دوگے؟ حضرت معاذ نے عرض کیا کتاب اللہ کو - آپ نے پوچھا اگر اس میں کسی کا حل نہ مل سکے تو؟ فرمایا: احادیث سے فیصلہ کروں گا۔ آپ نے پھر دریافت فرمایا: کہ اگر وہاں بھی نہ ملے تو؟ اخیر میں کہا کہ اپنی رائے سے فیصلہ کروں گا اورحق کی جستجو میں کوئی کوتاہی نہیں کروں گا(۸)، آپ  صلی اللہ علیہ وسلم نے حضرت معاذ کے مزاجِ دین اور مزاجِ شریعت سے ہم آہنگی اور آگہی پر خوشی کا اظہار کیا اور اللہ کا شکر ادا کرتے ہوئے فرمایا: تمام تعریفیں اللہ ہی کے لئے ہیں جس نے اللہ کے رسول کے قاصد کو اس بات کی توفیق دی جس سے اس کا رسول راضی ہے۔

اسی طرح اسی کی ہم شکل تصویر آپ کے وصال کے بعد مسئلہ خلافت سے جھلکتی ہے جوکہ صحابہ کے اجماع سے حل ہوا، اسی کے ساتھ اس حقیقت کی حیثیت بھی بڑی اہمیت کی حامل ہے کہ درس نبوی کے سب سے پہلے مدرسہ کا پہلا معلم، جن کے اخلاق واعمال نبی کے بالکل مشابہ حضرت ابن مسعود جن کو بنی اکرم  صلی اللہ علیہ وسلم نے اپنی حیات طیبہ ہی میں درس و تعلیم کی اجازت دے دی تھی اور صحابہ کو حکم فرمایا کہ قرآن وحدیث اورمسائل ابن مسعود سے حاصل کرو(۹) یہی وجہ ہے کہ آپ کا فقہی طریقہٴ کار بے حد مقبول ہوا بعد میں یہی ”فقہ حنفی“ کی شکل میں ابھر کر پورے عالم میں پھیل گیا۔ مذکورہ سطور سے پوری حقیقت سامنے آگئی کہ عمارتِ فقہ کی خشت اول کتاب اللہ ہے پھر حدیث، قیاس اور اجماع۔ اور فقہ کی بنیاد بھی عہد نبوی ہی میں رکھی جاچکی تھی۔

فقہ اسلام کا ارتقاء

فقہ وفتاویٰ کی بنیاد تو عہد رسالت ہی میں پڑ چکی تھی اوراسی زمانے میں خود ایوانِ رسالت سے حضرت ابوبکرصدیق کا مدینہ منورہ میں منصب افتا پر فائز ہونا بھی تاریخ بتاتی ہے۔(۱۰)

قرنِ اوّل میں جہاں امور دینیہ ودنیویہ کو حل کرنے کے لئے انفرادی و اجتماعی غور و فکر ہوتا تھا وہیں اجتماعی اور شورائی اجتہاد کی مثالیں بھی ملتی ہیں۔ چنانچہ حضرت عمر نے اپنے عہد خلافت میں اس مقصد کے لیے اکابر صحابہ اور فقہائے صحابہ کی ایک مستقل مجلس قائم رکھی تھی۔ تابعین کے دور میں بھی مدینہ کے فقہائے سبعہ کی ایسی ہی مثالیں ملتی ہیں، یہ اس زمانہ کا سب سے بڑا اور لائق اعتبار دارالافتاء تھا،(۱۱) بعد میں کوفہ کی درس گاہِ فقہ میں اسی منہاج و طریق کو امام ابوحنیفہ نے مزید وسعت کے ساتھ اختیار کیا اور ایسی عظیم الشان اور وسیع و جامع فقہ کی بنیاد رکھی جو دیگر تمام مکاتب فقہ سے فائق و ممتاز ہے اسی کو آج فقہ حنفی سے جانا جاتا ہے۔

فقہ اسلامی یا قانونِ اسلامی کی تدوین اور طریقہٴ کار

تدوین و ترتیب کا باضابطہ سلسلہ اموی دور سے شروع ہوا، اور عہد عباسی کی ابتدا سے مختلف علوم و فنون کی طرف زیادہ توجہ ہوئی۔ چنانچہ اسی زمانے میں فقہ کو فن کی حیثیت حاصل ہوئی۔ علماء تاریخ فقہ کو چار دور میں تقسیم کرتے ہیں، پہلا دور اس کی نشوونما اور ابتداء کا ہے جس کا سلسلہ ۱۰ھء تک جاری رہا، دوسرا دور اس کی وسعت کا ہے جس کی مدت عہد صحابہ سے ۴۱ھء تک رہی ہے، تیسرا دور اس کی پختگی و کمال اور تدوین کا ہے جو صغارِ صحابہ کے دورسے دوسری صدی ہجری کی ابتدا تک رہا ہے اور چوتھا دور چوتھی صدی ہجری کے تقریباً نصف تک رہا۔ یہ وہ دور ہے جس کے بعد فقہ اسلامی کا دورِ تقلید شروع ہوجاتا ہے،اور عہد نبوی سے بُعد کی بنا پر لوگوں میں اسلاف جیسی فقاہت اور فقہ اسلامی میں درک و کمال باقی نہیں رہتا ہے، اس لیے عام طور پر لوگ ائمہ اربعہ کے فقہی مکاتب کے پیرو ہوجاتے ہیں۔(۱۲)

یوں تو طلوع اسلام کے ساتھ ہی فقہ اسلامی کا آغاز ہوگیاتھا؛ لیکن چوں کہ یہ وہ زمانہ تھا جس میں لوگ انتہائی سادہ، اور ضروریات محدود تھیں، اسی وجہ سے فقہائے صحابہ کی توجہات اس کی تدوین کی طرف مبذول نہ ہوسکیں، پھر حالات کے تقاضے کے پیش نظر فقہائے مدینہ نے تدوین فتاویٰ کی داغ بیل ڈالی اور فقہائے کوفہ نے فتاویٰ و قضایا کے جمع و ترتیب پر زور دیا۔ چنانچہ حضرت ابراہیم نخعی نے ایسے فتاویٰ اور ان کے مبادیات کو ایک مجموعہ کی شکل میں جمع کیا تھا، اسی طرح حضرت امام ابوحنیفہ کے پاس اور حماد کے پاس بھی ایک مجموعہ تھا(۱۳)؛ لیکن فقہ اسلامی کی باضابطہ فقہی ابواب کے مطابق تدوین کا سہرا حضرت امام حنیفہ کے سر ہے جس کی تائید امام موفق مکی کی تحریر سے یوں ہوتی ہے کہ ”امام ابوحنیفہ ہی نے سب سے پہلے علم شریعت (فقہ) کی تدوین کی ان سے پہلے یہ کام کسی اور نے نہیں کیا“۔(۱۴)

عہد رسالت کے بعد جب اسلام کی حدود بہت بڑھ گئیں، قیصر وکسریٰ کی حکومتیں اسلام کے زیر نگیں ہوگئیں، یورپ میں اندلس تک افریقہ میں مصر اور شمال افریقہ تک اور ایشیا میں ایشیائی ترکستان اور سندھ تک اسلام پھیل گیا تو اسلام کو نئے تمدن، نئی تہذیب اور نئی معاشرتوں سے سابقہ پڑا ”وسائل اور مسائل کی نئی نئی قسمیں پیدا ہوگئیں تو تابعین کے آخرعہد میں علمائے حق کی ایک جماعت نے (امام ابوحنیفہ کی قیادت میں) کتاب و سنت کو سامنے رکھ کر اس کے مقرر کردہ قوانین و حدود کے مطابق ایک ایسا ضابطہ حیات مرتب کرنا چاہاجو ہرحال میں مفید، ہر طرح مکمل اور ہر جگہ قابل عمل ہو۔“(۱۵)

چنانچہ امام صاحب نے اپنے ایک ہزار شاگردوں میں سے چالیس کو منتخب کرکے دنیا کی بے نظیر شورائی طرز کی ایک مجلس تدوین فقہ قائم کی۔(۱۶) جس کے اندر یوسف و زفر جیسا قیاس اور صاحب بصیرت، یحییٰ بن زائدہ، حفص بن غیاث، حبان جیسا ماہر حدیث، قاسم بن معن جیسا ماہرلغت، داؤد طائی اور فضیل بن عیاض جیسا زہدوورع کا پیکر موجود تھا گویا یہ مجلس ہر علم وفن کے ماہروں سے مزین تھی اور اس پر مزید یہ کہ ابوحنیفہ جیسا جامع کمالات اس قافلے کا میر ․․․․ اللہ اکبر!

طریقہٴ تدوین پر روشنی ڈالتے ہوئے امام شعرانی کے حوالے سے مفتی ظفیرالدین صاحب لکھتے ہیں کہ ”جب کوئی واقعہ (مسئلہ) آپڑتا تو امام ابوحنیفہ اپنے تمام اصحابِ علم وفن سے مشورہ، بحث و مباحثہ اور تبادلہٴ خیال کرتے، پہلے ان سے فرماتے کہ جو کچھ ان کے پاس حدیث اوراقوالِ صحابہ کاذخیرہ ہے وہ پیش کریں پھر خود اپنا حدیثی ذخیرہ سامنے رکھتے اور اس کے بعد ایک ماہ یا اس سے زیادہ اس مسئلہ پر بحث کرتے تاآنکہ آخری بات طے پاتی اورامام ابویوسف قلم بند کرتے اس طرح شورائی طریقے پر سارے اصول منضبط ہوئے ایسا نہیں ہوا کہ تنہا کبھی کوئی بات کہی ہو“۔(۱۷)

یہ اسی قانونِ اسلامی کی جامعیت و وسعت ہے کہ سائنس و ٹکنالوجی کا یہ عہد جدید اور مستقبل کا کوئی بھی ترقی یافتہ اور عصری تمدن اپنے مسائل و معاملات کے لیے اس کا دامن تنگ نہیں پاسکتا۔(۱۸) ڈاکٹر حمید اللہ تحریر فرماتے ہیں کہ : ”ان مباحث میں تقریباً پانچ لاکھ مسئلے مرتب ہوئے جن میں اڑتیس ہزار کا تعلق عبادات سے اور باقی کا معاملات سے تھا“(۱۹) اوریہ بات خوب اچھی طرح ذہن نشین ہونی چاہئے کہ اس مجلس میں محض انھیں مسائل پر بحث و مباحثہ ہوا کرتے تھے جن سے قرآن و حدیث ساکت تھے نہ کہ ان مسائل پر جن کی قرآن و حدیث میں پوری وضاحت ہے۔

فقہ اسلامی کی اہمیت اوراس کا مقام

علوم اسلامیہ میں فقہ کو جو حیثیت اور مقام حاصل ہے وہ سورج سے بھی زیادہ روشن اور واضح ہے اس لیے کہ یہ علم زندگی سے مربوط اور انسانی شب و روز سے متعلق و ہم رشتہ ہے۔ بالفاظ دیگراسلام کا نظامِ قانون بنیادی طورپر جن پاکیزہ عناصر سے مرکب ہے وہ کتاب اللہ اور سنت رسول اللہ  صلی اللہ علیہ وسلم ہیں، جو اسلامی شریعت کے مرکزی مصادر و مآخذ ہیں، فقہ و قانون کی دنیا میں اسلامی نظامِ قانون، عدل و انصاف، توازن و اعتدال، غلو وتشدد سے اجتناب اورجامعیت و افادیت جیسی امتیازی صفات کے لیے شہرت و مقام رکھتا ہے، اس کی وسعت و گہرائی، سہولت پسندی، حیرت انگیز بے ساختگی، لچک اورانسانی فطرت سے ہم آہنگی تمام حقیقت پسندوں کے یہاں مسلم ہے، جس کا دائرئہ عمل پیدائش سے میراث تک اور عقائد سے لے کر معاملات و سیاست وغیرہ امور تک محیط ہے؛ بلکہ علوم نبویہ کے امین اور کاتب رسول سیدنا حضرت علی کے بقول: ”فقہ - طریقہٴ زندگی کا رہنماہے“۔(۲۰) اسی لیے تاریخ کے ہر دور میں اس فن پر زمانہ کی بہترین ذہانتیں صرف ہوتی رہیں۔ اسی کی اہمیت و افادیت پر روشنی ڈالتے ہوئے مفتی ظفیرالدین صاحب اس طرح تحریر فرماتے ہیں کہ ”فقہ وفتاویٰ ایسا فن ہے جس سے کسی کو بھی مفر نہیں اس لیے کہ انسانی زندگی میں جس قدر واسطہ اس فن اوراس کے اصول و جزئیات سے پڑتا ہے اور جس قدر آئے دن کے مسائل کا جواب یہاں ملتا ہے کہیں اور سے ممکن نہیں“۔(۲۱) اس کے غیرمعمولی حیثیت کا اندازہ مولانا سعید احمد اکبر آبادی کی اس تحریر سے بھی ہوتا ہے کہ ”مختصر لفظوں میں یہ کہا جاسکتا ہے کہ اس کا اصل سبب ہے اس لچک کی عملی اور قانونی تشکیل جو اسلام میں ایک عالمگیر مذہب ہونے کی حیثیت سے موجود ہے“(۲۲) یہ معلوم ہوچکا کہ فقہ دراصل قرآن ہی کی عملی تفسیر ہے۔ جیسا کہ جناب سرور صاحب مولانا عبداللہ سندھی کے حوالے سے لکھتے ہیں کہ ”مولانا کے نزدیک اسلامی فتوحات کے بعد قرآن کے قانون کو چلانے کے لیے فقہا کے مختلف مذاہب اسی مقصد کو پوراکرنے کے لیے معرضِ وجود میںآ ئے“۔(۲۳)

فقہ کی آفاقیت اور فقہاء کی عبقریت نیز خلوص و للہیت کے سوا اسے کیا کہا جاسکتا ہے کہ امت محمدی کے اساطین،متبحرین اور علم کے پہاڑوں نے نہ صرف یہ کہ اس فن کی تائید کی بلکہ اس کے سامنے سرتسلیم خم کردیا، اوراسے اپنی پلکوں پہ سجانے میں سعادت مندی سمجھی۔ چنانچہ فقہ کی عظمت کو چار چاند لگاتے ہوئے علامہ انور شاہ کشمیری اس طرح گویا ہیں کہ ”ہر علم و فن میں اپنی مخصوص رائے رکھتا ہوں، کسی کا مقلد نہیں باستثنائے فقہ کہ اس میں میری کوئی رائے نہیں،ابو حنیفہ کی تقلید کرتاہوں“(۲۴) اس پتھر کی لکیر سے جہاں علم فقہ کی کاملیت و اہمیت کا پتہ چلتا ہے وہیں فقہ حنفی کے ذریعے کتاب و سنت کی حفاظت و پاسداری میں منشائے خداوندی کا بھی اندازہ ہوتا ہے۔

یوں تو فقہ کی اہمیت و افادیت انسانی زندگی کے ایک ایک لمحہ سے عیاں ہے، اور اس کا تفوق نہ صرف یہ کہ دیگر علوم اسلامیہ ہی پر ہے؛ بلکہ اس کا مقام و مرتبہ عبادت سے بھی بڑھ کر ہے جس کی حسین منظر کشی یوں ہوتی ہے کہ ”حضرت ابن عباس سے مروی ہے کہ ایک فقیہہ شیطان پر ہزار عابد سے زیادہ بھاری ہے“ (مشکوٰة) مذکورہ بالاسطور سے یہ حقیقت پوری طرح واضح ہوگئی کہ فقہ کی وہی اہمیت ہے جو کتاب وسنت کی، اس لیے کہ شربت بھی چینی اورپانی ہی کا نام ہے، اگر کتاب و سنت گلشن وگل ہیں تو فقہ انھیں کی عمدہ اور من موہک خوشبو۔

ایک ضروری وضاحت

یوں تو بہت سے فقہی مکاتب وجود میں آئے؛ لیکن مستقل حیثیت چار ہی کو حاصل رہی اور آج بھی دنیا کے تمام مقلدین انھیں چار میں منحصر ہیں، ان میں بھی ہرطرح سے اولیت کا درجہ فقہ حنفی کو ہی حاصل رہا کیوں کہ دیگر ائمہ مجتہدین اور ان کے اجتہادات کو بھی امام ابوحنیفہ کے اجتہاد ہی کا ایک حصہ کہا جاسکتا ہے،اسی کے ساتھ ساتھ آپ کے اندر کئی ایسی خصوصیات ہیں جو آپ کو دوسرے ائمہ سے ممتاز کرتی ہیں ان میں سے اہم شرفِ تابعیت اور آپ کی حیرت انگیز ذہانت ہے، یہی وہ اسباب ہیں کہ جہاں دنیا کے ایک بڑے طبقے نے آپ کی پیروی کی وہیں چند لوگوں کی تعداد ایسی بھی رہی جس نے آپ کو ہدف ملامت بنایا اورطرح طرح سے آپ کے خلاف زہرافشانی کی گئی،اور آج بھی ایسے سیاہ بخت اور جاہل لوگ موجود ہیں جن کے نزدیک سرے سے فقہ ہی باطل اور بے بنیاد ہے اور خاص طور پر فقہ حنفی تو ان کی آنکھ کا کانٹاہے۔ اس لیے یہ وضاحت ضروری سمجھی گئی کہ تحریر میں بار بار فقہ حنفی کا ذکر بھی اسی کا شاخسانہ ہے، اور آگے فقہ حنفی کے منکرین وحاسدین پر بھی اختصاراً روشنی ڈالی جائے گی۔

فقہ اوراس کے منکرین

عالم اسلام کی اکثرت فقہ کی پیروکار ہے، اور ائمہ اربعہ میں سے کسی نہ کسی کی تقلید کرنے والی ہے؛ لیکن چندکورچشم ایسے بھی ہیں کہ جن کے یہاں نہ صرف یہ کہ فقہ قابل اعتبار ہی نہیں بلکہ سرے سے اس کے منکر ہیں اور اس بات کی رٹ لگاتے نہیں تھکتے کہ ”فقہ“ محض پراگندہ خیالات اور بیجا قیاس کا مجموعہ ہے، جس کا کتاب و سنت سے دور کا بھی واسطہ نہیں۔ اسی فرقے کو ”غیرمقلد“ سے جانا جاتاہے، یہ فرقہ حنفیوں کو کبھی مشرک بتاتا ہے تو کبھی احبار و رہبان کا پجاری گردانتا ہے۔ اور ان کی عقل نارسا کی کرشمہ سازی یہیں تک نہیں رہ گئی؛ بلکہ ان کے جنون کی ہانڈی میں اس قدر جوش آیا کہ اس سے ایسے ایمان سوزکلمات بھی ابلے کہ ”فقہ اسلامی پر پیشاب کرنا پیشاب کی ناپاکی کو بڑھا دیتا ہے“ (العیاذ باللہ) بالکل بجا ہے کہ دیوانگی میں خوشبو و بدبو کی تمیز بھی ختم ہوجاتی ہے۔

اس گروہ کا احناف پر الزام یہ ہے کہ حنفی لوگ قرآن وحدیث پر رائے کو ترجیح دیتے ہیں اور یہ محض اہل رائے ہیں، اور ہم اہل حدیث اور عامل بالحدیث ہیں نیز فقیہہ و محدث کے بارے میں یہ فرقہ عدم وجود کا نظریہ رکھتا ہے حالانکہ ان دونوں کی مثال ”ایک جان دو قالب“ کی ہے۔

حقیقت یہ ہے کہ حدیث اگر عمارت کی بنیاد ہے تو فقہ اس کا اوپری ڈھانچہ، جس طرح سے ظاہری عمارت کے لیے بنیاد ناگزیر ہے اسی طرح اس بنیاد سے فائدہ بھی اسی وقت اٹھایا جاسکتا ہے جبکہ اس کے اوپر عمارت ہو۔

حدیث کا علم اوراس سے شغف جتنا ایک محدث کو ہوتاہے اتنا ہی ایک فقیہہ کو بھی،اگر محدثین کا الفاظِ احادیث پر زیادہ زور رہتا ہے تو فقہاء کے یہاں ان کے معانی پیش نظر رہتے ہیں۔ چنانچہ امام بخاری فرماتے ہیں کہ ”فقہ سہل الحصول کے ساتھ ساتھ حدیث کا ہی ثمرہ ہے اور آخرت میں فقیہ کا ثواب محدث کے ثواب سے کم نہیں ہے“(۲۵) اوریہی نہیں کہ حدیث و فقہ میں انتہائی گہرا ربط ہے بلکہ امام اعمش تو یہاں تک کہہ گئے کہ ”اے فقیہو! آپ لوگ طبیب ہیں، اور ہم دوافروش ہیں“(۲۶)

فقہاء مشکل احادیث کو اپنی قیاسات و اجتہادات سے حل کرنے کی بنا پر اہل الرائے سے جانے گئے نہ کہ اس بنا پر جو غیرمقلدین کا نظریہ ہے۔ چنانچہ علامہ ابن اثیر فرماتے ہیں کہ ”محدثین اصحاب قیاس کو اصحاب الرائے کہتے ہیں اس سے ان کی مراد یہ ہوتی ہے کہ وہ مشکل احادیث کو اپنی رائے اور سمجھ سے حل کرتے ہیں“۔(۲۷)

اس فرقے کی فقہ حنفی سے بغض و عداوت اور کجروی کی تصویر اسی کے آئینے میں اس طرح دیکھی جاسکتی ہے کہ ”کتب فقہ مروجہ شریعت اسلام کے بالکل منافی ہیں، کتاب و سنت کے ہوتے ہوئے ان پر عمل کرنا محض گمراہی اور حرام ہے بھلا اکلِ حلال ہوتے ہوئے خنزیر کھانا کب رواہے“(۲۸)

یہ گروہ جب حنفیوں کے داؤ میں پھنس جاتا ہے تو احادیث کے ضعف و غرابت کا مالا جپنے لگتا ہے حالاں کہ خوب اچھی طرح جاننا چاہیے کہ حدیث کا یہ معیار انقلابِ زمانہ کے پیش نظر امام صاحب کے زمانے کے بعد ہوا۔ ان تمام باتوں سے بخوبی اندازہ لگ جاتا ہے کہ ان کے تمام دعاوی بے دلیل اور سراسر باطل ہیں،ان کی پالیسی دورخی ہے، زبانی طور پر تو یہ گروہ اس کا دعویدار ہے کہ فقہ سے اسے کوئی سروکار نہیں، اس لیے کہ یہ قرآن وحدیث کے علاوہ ایک تیسری چیز ہے؛ لیکن عملی طورپر اس میں کتنی صداقت ہے وہ پوری طرح واضح ہے کیوں کہ نہ تو وہ تقلید سے جدا ہے اور نہ ہی فقہ سے اس کا کوئی سانس خالی اس فرقے کی گرگٹی چال کا کچھ اندازہ اس کے نام سے بھی ہوتا ہے کہ کبھی وہ محمدی بنتا ہے تو کبھی سلفی اورکبھی اہل حدیث، یہ لوگ جزوی مسائل کو بھی ظاہراً قرآن سے ثابت کرنے کے دعویدار ہیں؛ لیکن جب ان سے یہ کہا جائے کہ ہوائی جہاز و ٹرین میں نماز کا کیا حکم ہے؟ ٹیلی فون اورانٹرنیٹ پر نکاح ہوجائے گا کہ نہیں؟ وغیرہ وغیرہ ․․․ اور ان کا جواب یاتو قرآن سے یا صحیح وصریح احادیث سے دیں تو بغلیں جھانکنے لگیں گے۔ انکا بھانڈا تو یہاں آکر پوری طرح پھوٹ جاتا ہے جب کہ ایک طرف تو وہ احناف سے ہر مسئلہ میں بخاری کا حوالہ چاہتے ہیں گویا بخاری کو معتبر مانتے ہیں،اور امام بخاری خود مقلد ہیں۔ اور آئینہ کا دوسرا رخ اس طرح ہے بقول انھیں کے ایک دانشور کہ: ”ہر مشرک پہلے مقلد ہوتا ہے پھر مشرک“(۲۹) اب خود ادنیٰ عقل و خرد کا حامل شخص بھی اندازہ لگاسکتا ہے کہ آیا غیرمقلد کا دامن شرک سے محفوظ رہا یا آلودہ؟!

حاصل یہ ہے کہ وہ فقہ کی حقانیت کو خوب جانتے اور سمجھتے ہیں؛ لیکن کچھ تو بغض و عناد اور کچھ اپنے آقا انگریز کی ناراضگی کا خوف۔ دونوں کی آمیزش سے پیدا شدہ تعفن نے ان کی عقل کو ماؤف، سماعت پر دبیز پردہ اور زبان کو اعترافِ حق سے گونگ کردیا ہے۔ اللہ انھیں ہدایت عطا فرمائے اور ہمیں بھی حق پر جمائے رکھے آمین۔

فقہ: ضرورت اور تقاضے

یہاں آکر ذہن میں ایک خلش پیدا ہوسکتی ہے کہ آخر قرآن وحدیث کے رہتے ہوئے فقہ کی کیاضرورت تھی؟ تو اس سلسلے میں یہ کہا جاسکتا ہے کہ کتاب و سنت کے نصوص میں احکام کا دائرہ محدود و متناہی ہے، اس کے برخلاف حوادثِ زمانہ غیر محدود اور لامتناہی ہیں، آئے دن نئے نئے مسائل اورمشکلات جنم لیتے رہتے ہیں، اب اگر قرآن و حدیث کے نصوص میں غور و فکر کرکے ان مسائل کا حل تلاش نہ کیاجائے تو یہ شریعت محمدی بالکل جامد و معطل ہوکر رہ جائے گی، اس میں زمانے کے بدلتے ہوئے حالات و تغیرات کو اپنے اندر سمونے کی گنجائش نہیں رہے گی؛ حالاں کہ اللہ تعالیٰ کی طرف سے نازل کی ہوئی یہ شریعت کامل و مکمل ہے اور قیامت تک کی انسانیت کے لیے آخری شریعت ہے۔ انھیں باتوں کے پیش نظر خوشگوار زندگی گزارنے کے لیے ایک چراغِ راہ کی ضرورت پڑی کہ جس کی روشنی میں انسان بآسانی منزل مقصود تک پہنچ سکے، اسی مشعل راہ کو ”فقہ“ کہا جاتا ہے۔ اللہ ان ائمہ مجتہدین کا بھلا کرے جنھوں نے ہمیں اپنی منزل کا نشان بتایا، اب ہمارے اوپر لازم ہے کہ ہم ان کی دی ہوئی روشنیوں کے ذریعے ساحل مراد تک رسائی حاصل کریں، خاص طورپر دور حاضر میں جب کہ ہر طرف جدیدٹکنالوجی کی صدائیں گونج رہی ہیں اور لوگوں کیلئے راہ راست سے پھسلنے کے بے شمار اسباب مہیا ہیں، اس فن کے تئیں دوہری ذمہ داری آجاتی ہے۔

چنانچہ مفتی شفیع صاحب فرماتے ہیں کہ ”فقہ اسلامی میں ہمارے اس زمانے کی بیشتر ضروریات کا حل موجود ہے؛ لیکن جدید تمدن اور صنعتی انقلاب نے اس زمانے میں نت نئے مسائل پیدا کردئیے ہیں: معاملات،معاشیات اوراقتصادیات کے سلسلے میں سینکڑوں ایسے مسائل پیدا ہوگئے ہیں جو حل طلب ہیں اور علمائے امت کو دعوتِ فکر دے رہے ہیں کہ وہ فقہ اسلامی کی روشنی میں ان کا حل پیش کردیں۔(۳۰)

خلاصہٴ تحریر

مذکورہ بالا تمام حقائق سے علوم اسلامیہ میں فقہ کا کتاب و سنت سے ربط و تعلق، فقہاء کا کمالِ علم وعمل اور ان کی بے پناہ ذہانت و ذکاوت، نیز اس فن کی تدوین میں غایت درجہ کا احتیاط، اور فقہ کے منکرین و حاسدین کا اس پر ہزار کیچڑ اچھالنے کے باوجود سورج کی طرح اس کی روشنی کا دنیا کے گوشہ گوشہ میں پہنچنا؛ بلکہ انسانی زندگی میں موجوں کی روانی سے بھی بڑھ کر اس کا تسلسل۔ وہ اسباب و علل ہیں جن سے اس علم کی قدر و منزلت ہمارے سامنے پوری طرح واشگاف ہوجاتی ہے، اور تاریخ فقہ اسلامی کے ہر ہر سطر سے اس کی غیرمعمولی ضرورت واہمیت کا پتہ چلتا ہے۔ اللہ قرآن و حدیث پر ہمیں پوری طرح کاربند بنائے،اور ائمہ مجتہدین کے درجات بلند فرمائے، آمین۔

$ $ $

حواشی

(۱)         لسان العرب ۵/۲۴۰، بحوالہ فقہ اسلامی اصول، خدمات اور تقاضے والقاموس ۴/۴۱۴ بحوالہ ماہنامہ ”دارالعلوم“ مارچ ۲۰۰۳/۔

(۲)        توبہ: ۱۲۲۔

(۳)        بخاری ۱/۱۶، ومسلم ۲/۴۴، ودارمی ۱/۷۳۔

(۴)        البحرالرائق ۱/۶ (مکتبہ ماجدیہ پاکستان)

(۵)        مقدمہ ابن خلدون ص: ۴۴۵ (دارالقلم بیروت)

(۶)        مسلم الثبوت، ص: ۷۔

(۷)        ماہنامہ ”برہان“ دہلی جنوری ۱۹۴۵/، ص: ۴۲۔

(۸)        ابوداؤد: ۲/۵۰۵۔

(۹)         تذکرة الفنون، ص: ۴۶۔

(۱۰)       نظام الحکومة النبویہ ۱/۵۷ بحوالہ تدوین قانونِ اسلامی، ص: ۱۳۔

(۱۱)        فقہ اسلامی اصول، خدمات اور تقاضے، ص: ۵-۶۔

(۱۲)       فقہ اسلامی اصول، خدمات اور تقاضے، ص: ۱۸۔

(۱۳)      امام ابوحنیفہ عہد وحیات، فقہ و آراء ص: ۳۸-۳۳۷، بحوالہ فقہ اسلامی اصول، خدمات اور تقاضے، ص: ۱۹۔

(۱۴)      مناقب امام ابوحنیفہ: ۱/۳۹۳ بحوالہ فقہ اسلامی ․․․ ص:۲۰۔

(۱۵)      تاریخ علم فقہ،ص: ۸، از ڈاکٹر حمید اللہ۔

(۱۶)       تذکرة الفنون، ص: ۴۸۔

(۱۷)      مقدمہ فتاویٰ دارالعلوم،ص: ۶۸،مناقب امام ابوحنیفہ ص:۵۷ بحوالہ فقہ اسلامی اصول، خدمات اور تقاضے۔

(۱۸)      فقہ اسلامی، ص: ۳۲۰۔

(۱۹)       تدوین قانونِ اسلامی، ص: ۳۸۔

(۲۰)      فقہ اسلامی، ص: ۳۲۰۔

(۲۱)       مقدمہ فتاویٰ دارالعلوم، ص: ۷۸۔

(۲۲)      ماہنامہ ”برہان“ دہلی، فروری ۱۹۴۵/، ص: ۸۲۔

(۲۳) ایضاً فروری ۱۹۴۴/۔

(۲۴) نقش دوام، ص: ۴۴۱۔

(۲۵)     تہذیب الکمال ۲۴/۴۶۴ بحوالہ غیرمقلدین امام بخاری کی عدالت میں، ص: ۹۹۔

(۲۶)اخبارابی حنیفہ و اصحابہ،ص:۳، الفقہ والمتفقہ بغدادی ۲/۷۴، مناقب ابی حنیفہ ذہبی،ص:۲۱ بحوالہ ائمہ اربعہ، ص:۴۵۔

(۲۷)     مقام ابوحنیفہ از سرفراز خان صفدر،ص: ۱۶۰ بحوالہ مقدمہ تحفة الاحوذی، ص:۲۶۰ ونہایہ ۲/۱۷۹۔

(۲۸)     خطبہ امارت ،ص: ۱۳ مشمولہ مسائل اہل حدیث جلد دوم بحوالہ حدیث اور اہل حدیث،ص: ۳۶ ، از انوار خورشید پاکستان۔

(۲۹)      عبداللہ بھاولپوری: اصلی اہل سنت،ص: ۳۲ بحوالہ حدیث اور اہل حدیث، ص:۸۵۔

(۳۰)     سرورق : فقہ اسلامی اصول، خدمات اور تقاضے۔